(Easter Sunday pualin)
Thu Kamkeuna:
He hla ‘Chatuan lungpui aw Krista’ tih pumpui mai hi mihring chu Thlarau Thianghlim zara a chungpikna sual avanga thi tur anchhedawng a ni tih a hmuhchhuahna a ni deuh ber a. Pathian thuthlung khawngaihna phu loh pui, Pathian duhsakna avanga sual ngaihdamna leh chatuan nunna Isua Krista zara a chan, a thiltih \hat vang pakhatmah awm lo a, khawngaihna in a tuam hlawm a nih thu hriain, a phuahtu hian Krista chu lungpui nen a rawn khaikhin a ni.
He hla phuahtu leh a phuah chhuah dan chanchin:
‘Chatuan Lungpui Aw Krista’ tih hla ril tak Augustus Montague Topladya’n a phuah hnu atang hian amah pawh khawvel huapah hriat a hlawh phah a. Somarset biala Blagdon-a Kohhran hruaitu Toplady hi mi tam tak sawi danin, Burrington Combe-ah thlipui lakah a inphenna atan lungpui keh karah a biru a, kum 1763-ah he hla hi a lo phuah chhuak ta a ni e an ti. Chu lung keh kar chu tun thlengin hmuh tur a la awm a, khualzin ten an tlawh nasa thin hle, tlawhtu te hian chemte hmawrin lungah chuan anmahni hming leh chenna ram hming te an ziak \hin. Mizo zingah pawh tlawh an awm nual tawh a, an hming leh veng/khua - Mizoram tih ngei mai chu an ziak ve hlawm nghe nghe a ni.
A phenna lungpui leh Krista khaikhinna:
“Lungpui Krista” hi Pathian khawngaihna thuthlung, misual boral tur te in kan inphenna a ni a. Krista phenah chauh lo chuan misual anchhe dawng, thiam loh chang tawh hian sual ngaihdamna leh thiam chantirna a nei thei lo.
Luka 4:19-ah Lal Isua’n Isaia lehkhabu ami a chhiar khan, “Lalpa lungawi kum thu sawi tura mi ruat avangin, Lalpa Thlarau chu ka chungah a awm” a tih angin, Pathian lungawina Krista chu misual inphenna tur leh min hliahkhuhtu, kan felna leh thiamchantirna a ni a. Hla puahtu dang leh chuan, “Thiamloh chan ka hlau tawh lawng ka pa lung a awi ta,” tiin, “I felna ka thuamna nise,” a lo ti a, hla phuahtu dang lehin, “Krista lungpui nghetah ka ding” ti te pawhin Thlarau miten an lo phuah tawh a ni.
Inhmuhchhuahna:
Beidawng, lungngai, chhungril ruak, mahni thiamloh chang nih inhmuhchhuahna a\angin mihringin anchhedawng leh chhungril pikzia kan nih inhria in, Pathian lam hawi thei tura Lal Isua Krista angchhhung pan theihna an lo neih phah hial thin. He hla siamtu hian Krista angchhungah chauh lo chuan him thei dawnin a inhre lo a -
Chhuan tur reng nei lo:
Toplady-a hian ama lam a in en thin a, chhuan tur leh beisei tur reng a nei lo tih inhmuchhuakin khawngaihna thuthlung chuan a hneh ta a ni. Ama felna rinchhan a chhandam theih niin a inhre ta lo a. Tling tura a beiseina awm chhun chu Isua Krista a lo ni tiin, a tlinlohna zawng zawng laka humhim turin Krista chauh lo chu a awm lo, eng dang mah a awm lo a ti ta a ni -
Kraws kiangah:
He hla phuahtu hian John Bunyana’n Kraws a pan laia a rilru ang kha a pu a. Mihring lama tlinlohna, fellohna leh chak lohna zawng zawng chu Pathian zahngaihna chuan lo thlengfaiin a lo chhandam thei tih a hmu a.
“Kut ruak” ngawt a Kraws panin, mihring lama “Saruak” tlinna nei lo, sual fate tana a buatsaih Kraws a nihzia tarlangin leh “Bawlhhlawh” mai a ni tih tlinglo leh phu lo pui Pathian khawngaihna zara tlinna chu thlirin, “Faina lui” - misual tlenfaina Kraws a rawn pan ta a ni.
“Ka aiawh lal hmaah a ding” tih ang deuh khan Krista inphen nan a hman avangin, a phena awm Krista kha Pathianin a hmuh tawh avangin Krista felna chu a felnaah a ruat ta a, Krista thianghlimna chu a thianghlimna a lo ni ta -
Rorelna hmaah:
Thihna chi hnih - Sual kawnga thihna leh taksa thihna a awm a, hetah hian taksa thihna leh a hnu lam a, thiam chan tir emaw thiamloh chantir emaw thei tu Lal\hu\phah hmaah a inlan hunah, Krista angchhunga biru in, Krista zarah thiam a chang thei dawn ta, Pathian hmangaihna chuan a lo tuamhlawm ang a, a fellohna, khawlohna zawng zawng chu Krista zarah tlenfaiin a awm tawh dawn a ni.
He hla hi Kristian Hla bu number 370-naah dah niin Rev. Rohmingliana (L) lehlin a ni.
Thu Kamkeuna:
He hla ‘Chatuan lungpui aw Krista’ tih pumpui mai hi mihring chu Thlarau Thianghlim zara a chungpikna sual avanga thi tur anchhedawng a ni tih a hmuhchhuahna a ni deuh ber a. Pathian thuthlung khawngaihna phu loh pui, Pathian duhsakna avanga sual ngaihdamna leh chatuan nunna Isua Krista zara a chan, a thiltih \hat vang pakhatmah awm lo a, khawngaihna in a tuam hlawm a nih thu hriain, a phuahtu hian Krista chu lungpui nen a rawn khaikhin a ni.
He hla phuahtu leh a phuah chhuah dan chanchin:
‘Chatuan Lungpui Aw Krista’ tih hla ril tak Augustus Montague Topladya’n a phuah hnu atang hian amah pawh khawvel huapah hriat a hlawh phah a. Somarset biala Blagdon-a Kohhran hruaitu Toplady hi mi tam tak sawi danin, Burrington Combe-ah thlipui lakah a inphenna atan lungpui keh karah a biru a, kum 1763-ah he hla hi a lo phuah chhuak ta a ni e an ti. Chu lung keh kar chu tun thlengin hmuh tur a la awm a, khualzin ten an tlawh nasa thin hle, tlawhtu te hian chemte hmawrin lungah chuan anmahni hming leh chenna ram hming te an ziak \hin. Mizo zingah pawh tlawh an awm nual tawh a, an hming leh veng/khua - Mizoram tih ngei mai chu an ziak ve hlawm nghe nghe a ni.
A phenna lungpui leh Krista khaikhinna:
“Lungpui Krista” hi Pathian khawngaihna thuthlung, misual boral tur te in kan inphenna a ni a. Krista phenah chauh lo chuan misual anchhe dawng, thiam loh chang tawh hian sual ngaihdamna leh thiam chantirna a nei thei lo.
Luka 4:19-ah Lal Isua’n Isaia lehkhabu ami a chhiar khan, “Lalpa lungawi kum thu sawi tura mi ruat avangin, Lalpa Thlarau chu ka chungah a awm” a tih angin, Pathian lungawina Krista chu misual inphenna tur leh min hliahkhuhtu, kan felna leh thiamchantirna a ni a. Hla puahtu dang leh chuan, “Thiamloh chan ka hlau tawh lawng ka pa lung a awi ta,” tiin, “I felna ka thuamna nise,” a lo ti a, hla phuahtu dang lehin, “Krista lungpui nghetah ka ding” ti te pawhin Thlarau miten an lo phuah tawh a ni.
Inhmuhchhuahna:
Beidawng, lungngai, chhungril ruak, mahni thiamloh chang nih inhmuhchhuahna a\angin mihringin anchhedawng leh chhungril pikzia kan nih inhria in, Pathian lam hawi thei tura Lal Isua Krista angchhhung pan theihna an lo neih phah hial thin. He hla siamtu hian Krista angchhungah chauh lo chuan him thei dawnin a inhre lo a -
“Chatuan Lungpui, aw Krista,
I angchhungah min hum la:
I nak hliam chhung atanga,
Thisen leh tui luang chhuak khan,
Sual leh a theihna ata,
Min tlengin min tithiang se.”
Toplady-a hian ama lam a in en thin a, chhuan tur leh beisei tur reng a nei lo tih inhmuchhuakin khawngaihna thuthlung chuan a hneh ta a ni. Ama felna rinchhan a chhandam theih niin a inhre ta lo a. Tling tura a beiseina awm chhun chu Isua Krista a lo ni tiin, a tlinlohna zawng zawng laka humhim turin Krista chauh lo chu a awm lo, eng dang mah a awm lo a ti ta a ni -
“Hei lo hi chhuan tur eng mah,
I dan tlin tur ka nei lo;
Ka sual leiba rul turin,
Ka theihna zawng zawngte hi,
Min chhandam turin eng mah,
A awm lo Nangmah lo chu.”
He hla phuahtu hian John Bunyana’n Kraws a pan laia a rilru ang kha a pu a. Mihring lama tlinlohna, fellohna leh chak lohna zawng zawng chu Pathian zahngaihna chuan lo thlengfaiin a lo chhandam thei tih a hmu a.
“Kut ruak” ngawt a Kraws panin, mihring lama “Saruak” tlinna nei lo, sual fate tana a buatsaih Kraws a nihzia tarlangin leh “Bawlhhlawh” mai a ni tih tlinglo leh phu lo pui Pathian khawngaihna zara tlinna chu thlirin, “Faina lui” - misual tlenfaina Kraws a rawn pan ta a ni.
“Ka aiawh lal hmaah a ding” tih ang deuh khan Krista inphen nan a hman avangin, a phena awm Krista kha Pathianin a hmuh tawh avangin Krista felna chu a felnaah a ruat ta a, Krista thianghlimna chu a thianghlimna a lo ni ta -
“Kut ruak maia lo kalin,
I kraws bul chu ka vuan mai;
Saruak leh bawlhhlawh chungin,
I khawngahna ka rawn thlir;
Faina lui ka rawn pan e,
Chhandamtu, min sil fai la.”
“Thihna lui ka lo kaia
Hriat loh ram ka lo thlenin,
Nang, i lalthutthleng chungah,
Rorela ka hmuh chein,
Chatuan lungpui, aw Krista,
I phenah min hum ang che.”
Thihna chi hnih - Sual kawnga thihna leh taksa thihna a awm a, hetah hian taksa thihna leh a hnu lam a, thiam chan tir emaw thiamloh chantir emaw thei tu Lal\hu\phah hmaah a inlan hunah, Krista angchhunga biru in, Krista zarah thiam a chang thei dawn ta, Pathian hmangaihna chuan a lo tuamhlawm ang a, a fellohna, khawlohna zawng zawng chu Krista zarah tlenfaiin a awm tawh dawn a ni.
He hla hi Kristian Hla bu number 370-naah dah niin Rev. Rohmingliana (L) lehlin a ni.
